المعجم الكبير للطبراني

محمد بن اسحاق بیان کرتے ہیں کہ بدر میں شریک ہونے والوں کے ناموں میں: عکاشہ بن محصن بن حرثان بن کبیر بن غنم بن دودان بن اسد بن خزیمہ، بنو عبد شمس کے حلیف، شامل ہیں۔

سیدنا ابن عباس رضی اللہ عنہما کہتے ہیں کہ رسول اللہ ﷺ نے فرمایا: ”مجھ پر امتیں پیش کی گئیں، تو نبی اور نبیوں کو ایک ایک گروہ کے ساتھ گزرتے دیکھا۔“ (باقی حدیث اسی طرح ہے)

سیدہ ام قیس رضی اللہ عنہا کہتی ہیں: جب میں نے مغرب کی نماز پڑھی تو وہ واپس آئے، اور ان کے کرتے ان کے ہاتھوں پر اٹھائے ہوئے تھے، میں نے کہا: اے عکاشہ! کل تم کرتے پہنے ہوئے گئے تھے اور اب واپس آئے ہو تو تمہارے کرتے تمہارے ہاتھوں میں ہیں؟ انہوں نے کہا: اے ام قیس! آج کے دن ہمیں یہ رخصت دی گئی ہے کہ جب ہم جمرے کو کنکری ماریں تو حلال چیزوں میں سے سب کچھ ہمارے لیے حلال ہو جائے سوائے عورتوں کے، لیکن اگر ہم شام کر لیں اور باقی مناسک پورے نہ کریں تو ہم اسی طرح احرام میں لوٹ جائیں گے جیسے کنکری مارنے سے پہلے تھے، چنانچہ ہم تمہارے پاس سے کرتے پہن کر نکلے تھے، لیکن جب شام ہو گئی اور ہم نے مناسک پورے نہیں کیے تو ہم واپس آ گئے اور ہمارے کرتے ہمارے ہاتھوں میں ہیں جیسا تم نے دیکھا۔