المعجم الكبير للطبراني

سیدنا عقبہ بن عامر جہنی رضی اللہ عنہ سے روایت ہے کہ نبی کریم ﷺ نے فرمایا: ”غیرت دو طرح کی ہے: ایک کو اللہ پسند کرتا ہے اور دوسری کو اللہ ناپسند کرتا ہے۔ اور فخر (اترانا) بھی دو طرح کا ہے: ایک کو اللہ پسند کرتا ہے اور دوسرے کو اللہ ناپسند کرتا ہے۔ تیر اندازی میں غیرت کو اللہ عزوجل پسند کرتا ہے، اور اس کے علاوہ میں غیرت کو اللہ ناپسند کرتا ہے۔ اور فخر: جب آدمی صدقہ کرے (تو اس میں فخر) اللہ کو پسند ہے، اور تکبر میں فخر کو اللہ ناپسند کرتا ہے۔“ اور فرمایا: ”تین آدمیوں کی دعا قبول کی جاتی ہے: والد کی، مسافر کی، اور مظلوم کی۔“ اور فرمایا: ”اللہ تعالیٰ ایک تیر کے سبب تین آدمیوں کو جنت میں داخل کرتا ہے: اس کے بنانے والے کو، اسے ہدیہ کرنے والے کو، اور اللہ کی راہ میں اسے چلانے والے کو۔“

سیدنا عقبہ بن عامر رضی اللہ عنہ سے بھی اسی طرح کی حدیث مروی ہے۔

سیدنا عقبہ بن عامر رضی اللہ عنہ سے روایت ہے کہ نبی کریم ﷺ نے فرمایا: ”اللہ عزوجل ایک تیر کے سبب اس کے بنانے والے کو جنت میں داخل کرتا ہے جو اس کی تیاری میں نیکی کی نیت رکھے، اور اسے چلانے والے اور ہدیہ کرنے والے کو بھی۔“ اور فرمایا: ”تیر اندازی کرو اور سواری کرو، اور تیر اندازی کرنا مجھے سواری کرنے سے زیادہ محبوب ہے۔ ہر وہ چیز جس سے آدمی دل بہلائے وہ لغو ہے سوائے اپنے گھوڑے کی تربیت کرنے، اپنی کمان سے تیر اندازی کرنے، اور اپنی بیوی سے دل لگی کرنے کے۔“