المعجم الكبير للطبراني

سیدنا عدی جذامی رضی اللہ عنہ سے روایت ہے کہ وہ اپنے ایک سفر میں رسول اللہ ﷺ سے ملے اور عرض کیا: یا رسول اللہ! میری دو بیویاں تھیں، وہ آپس میں لڑ پڑیں تو میں نے ایک پر (کچھ) پھینکا جس سے وہ مر گئی۔ آپ ﷺ نے فرمایا: ”اس کی دیت ادا کرو اور اس کی وارث نہ بنو۔“ گویا میں اب بھی رسول اللہ ﷺ کو ایک سرخ کان کٹی اونٹنی پر سوار دیکھ رہا ہوں، آپ ﷺ فرما رہے تھے: ”اے لوگو! جان لو کہ ہاتھ تین ہیں: اللہ کا ہاتھ سب سے اوپر ہے، دینے والے کا ہاتھ درمیان میں ہے، اور لینے والے کا ہاتھ سب سے نیچے ہے۔ پس (لینے سے) بچو، خواہ لکڑیوں کے گٹھر ہی سے کیوں نہ کمانا پڑے۔ خبردار! کیا میں نے پہنچا دیا؟ خبردار! کیا میں نے پہنچا دیا؟“

سیدنا عدی جذامی رضی اللہ عنہ نبی کریم ﷺ سے بھی اسی جیسی حدیث بیان کرتے ہیں۔

…ایک شخص جسے عدی کہا جاتا تھا، اس نے اپنی بیوی کو پتھر مارا جس سے وہ مر گئی، پھر وہ رسول اللہ ﷺ کو تبوک میں جا ملا اور اپنا معاملہ بیان کیا۔ رسول اللہ ﷺ نے اس سے فرمایا: ”اس کی دیت ادا کرو اور اس کی وارث نہ بنو۔“