المعجم الكبير للطبراني

…ابن ثعلبہ رسول اللہ ﷺ کے پاس آئے اور کہا: میرے لیے شہادت کی دعا کیجیے۔ نبی کریم ﷺ نے فرمایا: ”اے اللہ، میں ابن ثعلبہ کا خون مشرکوں اور کفار پر حرام کرتا ہوں۔“ کہتے ہیں: میں دشمن کی بڑی تعداد میں گھس جاتا تو نبی کریم ﷺ مجھے ان کے پیچھے دکھائی دیتے، لوگوں نے کہا: اے ابن ثعلبہ، تم دشمن پر حملہ کر کے آگے نکل جاتے ہو، تو انہوں نے کہا: ”نبی کریم ﷺ مجھے ان کے پیچھے دکھائی دیتے ہیں، تو میں ان پر حملہ کرتا ہوں یہاں تک کہ آپ ﷺ کے پاس پہنچ جاؤں، پھر آپ ﷺ مجھے اپنے ساتھیوں کے پاس دکھائی دیتے ہیں، تو میں پھر حملہ کرتا ہوں یہاں تک کہ اپنے ساتھیوں کے ساتھ آ جاؤں۔“ کہتے ہیں: پھر وہ طویل عمر پائے۔

سیدنا ضمرہ بن ثعلبہ رضی اللہ عنہ سے روایت ہے کہ رسول اللہ ﷺ نے فرمایا: ”لوگ ہمیشہ بھلائی میں رہیں گے جب تک وہ ایک دوسرے سے حسد نہ کریں۔“

…سیدنا ضمرہ بن ثعلبہ رضی اللہ عنہ رسول اللہ ﷺ کے پاس آئے جبکہ ان پر یمنی جوڑے کے دو کپڑے تھے، تو رسول اللہ ﷺ نے فرمایا: ”کیا تمہیں لگتا ہے کہ تمہارے یہ دونوں کپڑے تمہیں جنت میں داخل کر دیں گے؟“ انہوں نے عرض کیا: اے اللہ کے رسول، اگر آپ میرے لیے مغفرت کی دعا فرمائیں تو میں بیٹھوں گا ہی نہیں جب تک انہیں اتار نہ دوں۔ اس پر نبی کریم ﷺ نے فرمایا: ”اے اللہ، ضمرہ بن ثعلبہ کو بخش دے۔“ تو وہ جلدی سے چلے گئے یہاں تک کہ وہ دونوں کپڑے اتار دیے۔