المعجم الكبير للطبراني

سیدنا سمرہ بن جندب رضی اللہ عنہ سے روایت ہے کہ رسول اللہ ﷺ نے فرمایا: ”سب سے افضل صدقہ زبان (کا صدقہ) ہے۔“ عرض کیا گیا: یا رسول اللہ! زبان کا صدقہ کیا ہے؟ فرمایا: ”سفارش، جس سے قیدی چھڑایا جاتا ہے، اس سے خون بہنے سے بچایا جاتا ہے، اس سے تم اپنے بھائی کے لیے بھلائی اور احسان کھینچ لاتے ہو، اور اس سے کوئی ناپسندیدہ بات اس سے دور کرتے ہو۔“

سیدنا سمرہ رضی اللہ عنہ سے روایت ہے کہ نبی کریم ﷺ نے فرمایا: ”دو کا کھانا چار کے لیے کافی ہے، اور چار کا کھانا آٹھ کے لیے کافی ہے۔“

سیدنا سمرہ بن جندب رضی اللہ عنہ سے روایت ہے کہ رسول اللہ ﷺ نے فرمایا: ”لوگوں نے کسی صدقے جیسا صدقہ نہیں کیا جیسا کہ پھیلایا گیا علم۔“