المعجم الكبير للطبراني

ابومالک بن ثعلبہ بن ابی مالک اپنے والد سے روایت کرتے ہیں کہ بنو قریظہ کی وادی مہزور کے سیلابی پانی کے بارے میں رسول اللہ ﷺ کے پاس جھگڑا لایا گیا، تو رسول اللہ ﷺ نے ان کے درمیان یہ فیصلہ فرمایا کہ پانی ٹخنوں تک روکا جائے، اسے نچلے والے پر نہ روکا جائے۔

سیدنا ثعلبہ بن ابی مالک رضی اللہ عنہ سے روایت ہے کہ نبی کریم ﷺ نے فرمایا: ”نہ خود نقصان اٹھاؤ اور نہ کسی کو نقصان پہنچاؤ۔“
اور رسول اللہ ﷺ نے کھجوروں کی سینچائی کے بارے میں یہ فیصلہ فرمایا کہ اوپر کی طرف سے آنے والے سیلابی پانی سے پہلے اوپر والا سیراب کرے، پھر پانی زیادہ (سطح) کی طرف گھومے، پھر پانی نیچے کی طرف چھوڑا جائے، اور اسی طرح یہاں تک کہ باغات ختم ہو جائیں اور پانی ختم ہو جائے۔