المعجم الكبير للطبراني

سیدنا ابوہریرہ رضی اللہ عنہ سے روایت ہے کہ رسول اللہ ﷺ سیدنا بلال رضی اللہ عنہ کے پاس تشریف لائے تو ان کے پاس کھجوروں کا ڈھیر پایا، آپ ﷺ نے فرمایا: ”یہ کیا ہے اے بلال؟“ انہوں نے عرض کیا: یہ کھجور ہے جو میں نے جمع کر رکھی ہے، آپ ﷺ نے فرمایا: ”تم پر افسوس اے بلال، کیا تمہیں ڈر نہیں کہ اس کی وجہ سے آگ میں دھواں ہو؟ خرچ کرو اے بلال، اور عرش والے سے کمی کا خوف نہ کرو۔“

سیدنا ابوہریرہ رضی اللہ عنہ سے روایت ہے کہ نبی کریم ﷺ سیدنا بلال رضی اللہ عنہ کی عیادت کے لیے تشریف لائے تو انہوں نے کھجوروں کا ڈھیر نکالا، آپ ﷺ نے فرمایا: ”یہ کیا ہے اے بلال؟“ انہوں نے عرض کیا: یا رسول اللہ! میں نے یہ آپ کے لیے جمع کر رکھی ہے، آپ ﷺ نے فرمایا: ”کیا تمہیں ڈر نہیں کہ اس کی وجہ سے تمہارے لیے جہنم کی آگ میں دھواں بنا دیا جائے، خرچ کرو بلال، اور عرش والے سے کمی کا خوف نہ کرو۔“

سیدنا ابوہریرہ رضی اللہ عنہ سے بھی اسی طرح کی حدیث مروی ہے کہ نبی کریم ﷺ سیدنا بلال رضی اللہ عنہ کے پاس تشریف لائے۔