المعجم الكبير للطبراني

سیدنا اوس بن اوس رضی اللہ عنہ کہتے ہیں: رسول اللہ ﷺ نے فرمایا: ”جس نے جمعے کے دن (اپنی بیوی کو) غسل کروایا اور خود بھی غسل کیا، سویرے (نماز کے لیے) گیا اور اول وقت گیا، اور امام کے قریب ہو کر خاموشی سے (خطبہ) سنا، تو اس کے ہر قدم کے بدلے اسے ایک سال کے روزے اور قیام کا (ثواب) ملے گا، اور یہ اللہ پر آسان ہے۔“

سیدنا اوس بن اوس ثقفی رضی اللہ عنہ کہتے ہیں: رسول اللہ ﷺ نے فرمایا: ”جس نے (اپنی بیوی کو) غسل کروایا اور سویرے اول وقت گیا، پھر امام کے قریب بیٹھ کر توجہ سے سنا اور خاموش رہا، تو اس کے ہر قدم کے بدلے اسے ایک سال کے روزے اور قیام کا اجر ملے گا۔“

سیدنا اوس بن اوس ثقفی رضی اللہ عنہ سے روایت ہے کہ نبی کریم ﷺ نے جمعے کے دن کے بارے میں فرمایا: ”جس نے (اپنی بیوی کو) غسل کروایا اور خود غسل کیا اور سویرے گیا، اور قریب ہو کر توجہ سے سنا، تو اسے اپنے گھر سے مسجد تک کے ہر قدم کے بدلے ایک سال کے روزے اور قیام کا اجر ملے گا۔“

…ابن جابر کہتے ہیں: میں نے ابوالاشعث صنعانی کو یہ کہتے سنا: میں نے سیدنا اوس بن اوس ثقفی رضی اللہ عنہ کو رسول اللہ ﷺ سے یہ روایت کرتے سنا کہ آپ ﷺ نے فرمایا: ”جس نے جمعے کے دن (اپنی بیوی کو) غسل کروایا اور خود غسل کیا، پھر سویرے گیا اور اول وقت گیا، اور پیدل چل کر گیا سوار ہو کر نہیں، اور کوئی بےکار بات نہ کی، تو اس کے لیے ایک سال کا (نیک) عمل لکھا جائے گا۔“ ابن جابر کہتے ہیں: پھر میں نے یہ حدیث یحییٰ بن حارث ذماری کو سنائی، تو انہوں نے کہا: میں نے بھی ابوالاشعث کو یہ حدیث سیدنا اوس بن اوس سے، رسول اللہ ﷺ سے روایت کرتے سنا ہے، پھر انہوں نے (اس میں) یہ کہا: ”اس کے ہر قدم کے بدلے اسے ایک سال کے روزے اور قیام کا اجر ملے گا۔“ ابن جابر کہتے ہیں: یحییٰ نے (یہ الفاظ) یاد رکھے اور میں بھول گیا۔ ولید کہتے ہیں: میں نے یہ بات ابوعمرو اوزاعی سے ذکر کی تو انہوں نے کہا: حدیث اسی طرح ثابت ہے کہ اس کے ہر قدم کے بدلے اسے ایک سال کے عمل کا (اجر) ملے گا۔

سیدنا اوس بن اوس رضی اللہ عنہ کہتے ہیں: میں نے رسول اللہ ﷺ کو فرماتے سنا: ”جس نے جمعے کے دن (اپنی بیوی کو) غسل کروایا اور خود غسل کیا، پھر سویرے گیا اور اول وقت گیا، اور پیدل چل کر گیا سوار ہو کر نہیں، اور قریب ہو کر توجہ سے سنا اور بےکار بات نہ کی، تو اس کے ہر قدم کے بدلے اسے ایک سال کے روزے اور قیام کا اجر ملے گا۔“

سیدنا اوس بن اوس رضی اللہ عنہ کہتے ہیں: رسول اللہ ﷺ نے فرمایا: ”جس نے (اپنی بیوی کو) غسل کروایا اور خود غسل کیا اور سویرے گیا، اور اول وقت گیا اور پیدل چل کر گیا سوار ہو کر نہیں، اور امام کے قریب ہوا اور بےکار بات نہ کی، تو اسے ایک سال کے روزے اور قیام کا اجر ملے گا۔“

سیدنا اوس بن اوس رضی اللہ عنہ سے روایت ہے کہ نبی کریم ﷺ نے فرمایا: ”جب جمعے کا دن ہو اور تم میں سے کوئی اپنا سر دھوئے اور غسل کرے، پھر سویرے جائے اور اول وقت جائے، اور قریب ہو کر توجہ سے سنے اور خاموش رہے، تو اس کے ہر قدم کے بدلے اسے ایک سال کے روزے اور ایک سال کے قیام کا (اجر) ملے گا۔“

سیدنا اوس رضی اللہ عنہ سے روایت ہے کہ نبی کریم ﷺ نے فرمایا: ”جس نے جمعے کے دن (اپنی بیوی کو) غسل کروایا اور خود غسل کیا، پھر سویرے یا شام کو یا اول وقت گیا، پھر قریب ہو کر خاموشی سے توجہ سے سنا، تو اس کے ہر قدم کے بدلے اسے ایک سال کے قیام اور ایک سال کے روزے کے برابر اجر ملے گا۔“