قَالَ أَبُو يَعْلَى : حَدَّثَنَا سُرَيْجٌ ، عَنْ مُحَمَّدِ بْنِ يَزِيدَ ، عَنْ بَكْرِ بْنِ خُنَيْسٍ ، عَنْ ثَابِتٍ ، عَنْ أَنَسٍ رَضِيَ اللهُ عَنْهُ قَالَ : قَالَ رَسُولُ اللهِ صَلَّى اللهُ عَلَيْهِ وَسَلَّمَ : مَنِ اهْتَمَّ بِجَوْعَةِ أَخِيهِ الْمُسْلِمِ فَأَطْعَمَهُ حَتَّى يَشْبَعَ ، وَسَقَاهُ حَتَّى يُرْوَى غَفَرَ [اللهُ] لَهُ .
ترجمہ
سیدنا انس بن مالک رضی اللہ عنہ سے روایت ہے ، انہوں نے فرمایا : رسول اللہ صلی اللہ علیہ وسلم نے ارشاد فرمایا : ”جو شخص اپنے مسلمان بھائی کی بھوک کی فکر کرے اور اسے پیٹ بھر کر کھانا کھلائے ، اور اسے سیراب ہونے تک پانی پلائے ، تو اللہ تعالیٰ اس کی مغفرت فرما دیتا ہے ۔ “
حَدَّثَنَا إِسْحَاقُ : ثَنَا شَرِيكٌ ، عَنْ حَبِيبِ بْنِ زَيْدٍ ، عَنْ لَيْلَى قَالَتْ : دَخَلَ عَلَيْنَا رَسُولُ اللهِ صَلَّى اللهُ عَلَيْهِ وَسَلَّمَ ، فَأَتَيْتُهُ بِطَعَامٍ ، فَاعْتَزَلَ بَعْضٌ مِنْ ثَمَّةَ ، فَقَالَ النَّبِيُّ صَلَّى اللهُ عَلَيْهِ وَسَلَّمَ : " مَا بَالُهُمْ ؟ قَالَ : صِيَامٌ ، قَالَ النَّبِيُّ صَلَّى اللهُ عَلَيْهِ وَسَلَّمَ : مَا مِنْ مُسْلِمٍ يُؤْكَلُ عِنْدَهُ إِلَّا صَلَّتْ عَلَيْهِ الْمَلَائِكَةُ .
ترجمہ
سیدہ لیلیٰ رضی اللہ عنہا سے روایت ہے ، وہ بیان کرتی ہیں : رسول اللہ صلی اللہ علیہ وسلم ہمارے ہاں تشریف لائے تو میں آپ کی خدمت میں کھانا لے کر آئی ، لیکن وہاں موجود کچھ لوگوں نے (کھانے سے ) کنارہ کشی اختیار کی ، اس پر نبی کریم صلی اللہ علیہ وسلم نے دریافت فرمایا : ”ان کا کیا معاملہ ہے ؟ “ (گھر والوں نے ) عرض کیا : وہ روزے دار ہیں ، تو نبی کریم صلی اللہ علیہ وسلم نے ارشاد فرمایا : ”کوئی بھی مسلمان ایسا نہیں ہے جس کے پاس (دوسرے لوگ) کھانا کھائیں مگر فرشتے اس کے لیے (دعائے رحمت و استغفار) کرتے ہیں ۔ “
