المطالب العالية بزوائد المسانيد الثمانية

عمارہ بن عاصم بیان کرتے ہیں کہ میں سیدنا انس بن مالک رضی اللہ عنہ کی خدمت میں حاضر ہوا، (پھر راوی نے مکمل واقعہ ذکر کیا جس میں ہے کہ) پھر ان کے پاس ایک خادمہ آئی اور کہنے لگی: ”نماز کا وقت ہو گیا ہے، «أَصْلَحَكَ اللهُ» ”اللہ تعالیٰ آپ کے حال کی اصلاح فرمائے“!“ آپ نے دریافت فرمایا: ”کون سی نماز؟“ اس نے عرض کی: ”عصر کی نماز۔“ آپ نے پوچھا: ”کیا تم نے وہ نماز پڑھ لی ہے؟“ اس نے جواب دیا: ”میں آپ کے پاس حاضر ہونے سے پہلے ہی اسے ادا کر چکی ہوں۔“ آپ نے فرمایا: ”مجھ سے پرے ہٹ جاؤ، ابھی عصر کا وقت نہیں آیا۔“ پھر اس نے دوبارہ رجوع کیا تو آپ نے اسے وہی پہلے جیسی بات کہی، پھر جب اس نے دوبارہ اصرار کیا تو آپ نے فرمایا: ”جو تم نے کہا میں نے سن لیا ہے، اب مجھے وضو کا پانی دو، کیونکہ لوگ یہ نماز اس کے (افضل) وقت سے پہلے ہی پڑھ لیتے ہیں۔“ پھر آپ نے نماز ادا کی۔
[تخريج: مصنف ابن أبي شيبة: 3345، وإسناده حسن]۔

سیدہ تمیمہ نامی خاتون سے روایت ہے کہ میں ام المومنین سیدہ عائشہ رضی اللہ عنہا کی خدمت میں حاضر ہوئی تو انہوں نے عصر کی نماز اس وقت ادا کی جسے تم لوگ دو نمازوں کے درمیانی وقت سے موسوم کرتے ہو، پھر انہوں نے فرمایا: ”بے شک ہم آلِ محمد ﷺ اس وقت نماز نہیں پڑھتے جب سورج کی روشنی زرد پڑ جائے (یعنی ہم عصر کی نماز اتنی تاخیر سے نہیں پڑھتے کہ دھوپ پیلی پڑ جائے)۔“
[تخریج: اس روایت کو امام اسحاق بن راہویہ نے 'المسند' (1251) میں نقل کیا ہے، اس کی سند میں موجود تمیمہ نامی خاتون کے حالات مستور ہیں، تاہم عصر کی اول وقت میں ادائیگی دیگر صحیح احادیث سے ثابت ہے]۔