مجمع الزوائد ومنبع الفوائد

عمارہ بن خزیمہ بیان کرتے ہیں : ایک مرتبہ حج یا شاید عمرہ کے موقع پر ہم لوگ سیدنا عمرو بن العاص رضی اللہ عنہ کے پاس موجود تھے ، انہوں نے بتایا : ” ایک مرتبہ ہم نبی اکرم صلی اللہ علیہ وسلم کے ساتھ اس گھاٹی میں موجود تھے ، اسی دوران آپ صلی اللہ علیہ وسلم نے ارشاد فرمایا : تم لوگ دیکھو ! کیا تم کچھ دیکھ رہے ہو ؟ ہم نے عرض کی : ہم کوے ( یعنی پرندے ) دیکھ رہے ہیں ، جن میں سے ایک پرندہ اعصم ہے ، جس کی چونچ اور دونوں پاؤں سرخ ہیں ، نبی اکرم صلی اللہ علیہ وسلم نے ارشاد فرمایا : ” جنت میں خواتین میں سے صرف وہ خواتین داخل ہوں گی ، جو دیگر عورتوں میں سے اس کی مانند ہوں گی ، جیسے یہ کوا ، دیگر کووں کے درمیان ہے ۔ “

ایک روایت میں یہ الفاظ ہیں : ” ایک مرتبہ حج یا شاید عمرہ کے موقع پر ہم لوگ سیدنا عمرو بن العاص رضی اللہ عنہ کے ساتھ تھے ، جب ہم ” مرالظہران “ کے مقام پر پہنچے تو وہاں ہودج میں ایک عورت موجود تھی ۔ ۔ ۔ ۔ ۔ ۔ “ ۔ اس کے بعد انہوں نے پوری حدیث ذکر کی ہے ۔
یہ روایت امام أحمد نے نقل کی ہے اور اس کے رجال ثقہ ہیں ۔