مجمع الزوائد ومنبع الفوائد

سیدنا عقبہ بن عامر رضی اللہ عنہ اور روایت کرتے ہیں : نبی اکرم صلی اللہ علیہ وسلم نے ارشاد فرمایا : ” اللہ تعالیٰ ایسے نوجوان کو پسند کرتا ہے جس کا لہو و لعب کی طرف میلان نہ ہو ۔ “
یہ روایت امام أحمد ، امام ابویعلیٰ اور امام طبرانی نے نقل کی ہے اور اس کی سند حسن ہے ۔

سیدنا ابوامامہ رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” جس نشوونما پانے والے کی نشوونما عبادت کرتے ہوئے ہوئی ہو ، یہاں تک کہ اسے موت آ جائے ، تو اللہ تعالی اسے ننانوے صدیقین کا اجر عطا کرے گا“ ۔
یہ روایت امام طبرانی نے معجم اوسط میں نقل کی ہے اور معجم کبیر میں اس کی مانند نقل کی ہے اس کی سند میں ایک راوی یوسف بن عطیہ صفار ہے اور وہ انتہائی ضعیف ہے ۔