مجمع الزوائد ومنبع الفوائد

سیدنا عمر بن خطاب رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” میرے بھائی سیدنا موسیٰ علیہ السلام نے عرض کی : اے میرے پروردگار ! تو مجھے وہ دکھا دے ، ج سیدنا ابومدینہ دارمی رضی اللہ عنہ ، جنہیں صحابی ہونے کا شرف حاصل ہے وہ بیان کرتے ہیں : ” نبی اکرم صلی اللہ علیہ وسلم کے اصحاب سے تعلق رکھنے والے ، دو افراد جب ایک دوسرے سے ملتے تھے ، تو اُس وقت تک جدا نہیں ہوتے تھے جب تک ایک دوسرے کے سامنے یہ تلاوت نہیں کرتے تھے : ” زمانے کی قسم ہے ! بے شک انسان خسارے میں ہے ۔ ۔ ۔ ۔ ۔ ۔ ۔ “ ۔


یہ روایت امام طبرانی نے معجم اوسط میں نقل کی ہے اور اس کے رجال صحیح کے رجال ہیں ۔

سیدنا عبداللہ بن قیس ابوموسیٰ اشعری رضی اللہ عنہ بیان کرتے ہیں : نبی اکرم صلی اللہ علیہ وسلم نے ہمیں نماز پڑھائی ، پھر آپ صلی اللہ علیہ وسلم نے ارشاد فرمایا : تم لوگ اپنی جگہوں پر ٹھہرے رہو ! پھر آپ صلی اللہ علیہ وسلم مردوں کے پاس تشریف لائے ، آپ صلی اللہ علیہ وسلم نے ارشاد فرمایا : ” بے شک اللہ تعالیٰ نے مجھے یہ حکم دیا ہے کہ میں تم لوگوں کو یہ حکم دوں کہ تم لوگ اللہ تعالیٰ سے ڈرو اور سیدھی بات کرو ! “ ۔ پھر آپ صلی اللہ علیہ وسلم خواتین کے پاس تشریف لے گئے اور آپ صلی اللہ علیہ وسلم نے ان سے فرمایا : ” بے شک اللہ تعالیٰ نے مجھے یہ حکم دیا ہے کہ میں تمہیں یہ ہدایت کروں کہ تم اللہ سے ڈرو اور سیدھی بات کرو !“ ۔ ( علامہ ہیثمی فرماتے ہیں : ) میں یہ کہتا ہوں : اس کے بعد انہوں نے پوری روایت ذکر کی ہے ۔
یہ روایت امام أحمد اور امام بزار نے نقل کی ہے ، تاہم انہوں نے یہ الفاظ نقل کیے ہیں : نبی اکرم صلی اللہ علیہ وسلم نے خواتین سے فرمایا : تم اللہ تعالیٰ سے ڈرو ! اور تم سیدھی بات کرو ( یعنی عربی کے الفاظ مختلف ہیں لیکن مفہوم یہی ہے ) اس روایت کی سند میں ایک راوی لیث بن ابوسلیم ہے اور وہ مدلس ہے ، امام أحمد کے بقیہ رجال صحیح کے رجال ہیں ۔