مجمع الزوائد ومنبع الفوائد

سیدنا ابوموسیٰ رضی اللہ عنہ بیان کرتے ہیں : میں نے ایک شخص سے کہا: آؤ ! ہم اپنے اس دن کو اللہ تعالیٰ کے لیے مخصوص کر لیتے ہیں ، راوی بیان کرتے ہیں : تو یوں ہوا کہ جیسے نبی اکرم صلی اللہ علیہ وسلم اس موقع پر موجود تھے ، اُس دن آپ نے خطبہ دیتے ہوئے ارشاد فرمایا : ” کوئی شخص یہ کہہ دیتا ہے : آؤ ! ہم اپنے اس دن کو اللہ تعالیٰ کے لیے مخصوص کر لیتے ہیں ۔ “ آپ صلی اللہ علیہ وسلم مسلسل اس جملے کو دہراتے رہے ، یہاں تک کہ میں نے یہ آرزو کی کہ میں زمین میں دفن ہو جاؤں ۔

ایک روایت میں یہ الفاظ ہیں : آپ مسلسل اس جملے کو دہراتے رہے ، یہاں تک کہ میں نے یہ آرزو کی کہ میں زمین میں گڑ جاؤں ۔ یہی روایت امام أحمد اور امام بزار نے نقل کی ہے اور ان دونوں کے رجال صحیح کے رجال ہیں ، صرف یہ ہے کہ ثابت بنانی نے یہ بات کہی ہے : مجھے اس شخص نے یہ بات بتائی ہے : کہ جس نے حطان کو یہ بیان کرتے ہوئے سنا ہے ، انہوں نے اس شخص کا نام بیان نہیں کیا ۔