مجمع الزوائد ومنبع الفوائد

سیدنا عبداللہ بن عباس رضی اللہ عنہما فرماتے ہیں : ” نبی اکرم صلی اللہ علیہ وسلم کے علاوہ اور کسی پر ، کسی کی طرف سے درود بھیجنا مناسب نہیں ہے ۔ “
یہ روایت امام طبرانی نے ” موقوف “ روایت کے طور پر نقل کی ہے اور اس کے رجال ” صحیح “ کے رجال ہیں ۔

سیدنا ابوسعید خدری رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں : ” بعض اوقات ایک شخص حلال طریقے سے مال کما کر خود کھاتا ہے ، اسی طرح کسی شخص کے پاس مال ہوتا ہے ، جس میں صدقہ ہوتا ہے ، پھر وہ شخص یہ پڑھتا ہے :
«اللَّهُمَّ صَلِّ عَلَى مُحَمَّدٍ عَبْدِكَ وَرَسُولِكَ ، وَصَلِّ عَلَى الْمُؤْمِنِينَ وَالْمُؤْمِنَاتِ ، وَالْمُسْلِمِينَ وَالْمُسْلِمَاتِ» ” اے اللہ ! تو سیدنا محمد صلی اللہ علیہ وسلم پر درود نازل فرما ، جو تیرے بندے اور تیرے رسول ہیں ، اور تو مؤمن مردوں اور مؤمن خواتین اور مسلمان مردوں اور مسلمان خواتین پر رحمت نازل فرما ۔ “
( نبی اکرم صلی اللہ علیہ وسلم فرماتے ہیں : ) تو یہ چیز اس کے لیے پاکیزگی کا باعث ہو جائے گی ۔
یہ روایت امام ابویعلیٰ نے نقل کی ہے اور اس کی سند حسن ہے ۔