مجمع الزوائد ومنبع الفوائد

سیدنا انس رضی اللہ عنہ بیان کرتے ہیں : سیدنا قیس بن سعد رضی اللہ عنہ کو نبی اکرم صلی اللہ علیہ وسلم کے ساتھ وہی نسبت تھی ، جو کوتوال کو گورنر سے ہوتی ہے ۔
یہ روایت امام طبرانی نے نقل کی ہے اور اس کے رجال صحیح کے رجال ہیں ۔

سیدنا انس رضی اللہ عنہ بیان کرتے ہیں : جب نبی اکرم صلی اللہ علیہ وسلم مکہ تشریف لائے ، تو سیدنا قیس بن سعد رضی اللہ عنہ نبی اکرم صلی اللہ علیہ وسلم کے آگے ہر اول دستے میں یوں تھے جس طرح کوتوال ہوتا ہے ، نبی اکرم صلی اللہ علیہ وسلم کو سیدنا قیس رضی اللہ عنہ کے بارے میں یہ مشورہ دیا گیا کہ وہ جس جگہ پر ہیں اُنہیں ہٹا دیا جائے ، اس اندیشے کے تحت کہ وہ کہیں آگے نہ بڑھ جائیں ، تو نبی اکرم صلی اللہ علیہ وسلم نے انہیں اس مقام سے ہٹا دیا ۔
یہ روایت امام طبرانی نے نقل کی ہے اور اس کے رجال صحیح کے رجال ہیں ۔