مجمع الزوائد ومنبع الفوائد

زہری بیان کرتے ہیں : نبی اکرم صلی اللہ علیہ وسلم نے سیدہ زینب بنت خزیمہ رضی اللہ عنہا کے ساتھ شادی کر لی جو ام المساکین ہیں ، انہیں یہ نام اس لئے دیا گیا تھا کہ کیونکہ وہ غریبوں کو کھانا کثرت سے کھلایا کرتی تھیں ، ان کا تعلق بنو ہلال بن عامر بن صعصہ سے تھا ، ان کا انتقال نبی اکرم صلی اللہ علیہ وسلم کی زندگی میں ہو گیا تھا اور وہ نبی اکرم صلی اللہ علیہ وسلم کے ساتھ تھوڑا ہی عرصہ رہی تھیں ۔
یہ روایت امام طبرانی نے نقل کی ہے اور اس کے رجال ثقہ ہیں ۔

محمد بن اسحاق بیان کرتے ہیں : نبی اکرم صلی اللہ علیہ وسلم نے سیدہ زینب بنت خزیمہ ہلالیہ رضی اللہ عنہا کے ساتھ شادی کر لی ، جو ام المساکین ہیں ، وہ نبی اکرم صلی اللہ علیہ وسلم سے پہلے حصین ( راوی کو شک ہے شاید یہ الفاظ ہیں ) طفیل بن حارث کے نکاح میں تھیں ، اس خاتون کا انتقال مدینہ منورہ میں ہوا ۔ نبی اکرم صلی اللہ علیہ وسلم کی ازواج میں سب سے پہلے اُنہی کا انتقال ہوا ۔
یہ روایت امام طبرانی نے نقل کی ہے اور اس کے رجال ثقہ ہیں ۔