مجمع الزوائد ومنبع الفوائد

سیدنا عبداللہ بن مسعود رضی اللہ عنہ بیان کرتے ہیں : نبی اکرم صلی اللہ علیہ وسلم نے ارشاد فرمایا : ” علی کی طرف دیکھنا عبادت ہے ۔ “
یہ روایت امام طبرانی نے نقل کی ہے ۔ اس کی سند میں ایک راوی أحمد بن بدیل یامی ہے ، جسے ابن حبان نے ثقہ قرار دیا ہے ، وہ کہتے ہیں : یہ مستقیم الحدیث ہے ، ایک راوی ابن ابوحاتم ہے ، اس میں ضعف پایا جاتا ہے ، اس روایت کے بقیہ رجال ” صحیح “ کے رجال ہیں ۔

طلیق بن محمد بیان کرتے ہیں : میں نے سیدنا عمران بن حصین رضی اللہ عنہ کو دیکھا کہ وہ مسلسل سیدنا علی رضی اللہ عنہ کی طرف دیکھ رہے تھے ۔ ان سے اس بارے میں دریافت کیا گیا ، تو انہوں نے بتایا : میں نے نبی اکرم صلی اللہ علیہ وسلم کو یہ ارشاد فرماتے ہوئے سنا ہے : ” علی کو دیکھنا عبادت ہے ۔ “
یہ روایت امام طبرانی نے نقل کی ہے ۔ اس کی سند میں ایک راوی عمران بن خالد خزاعی ہے ، اور وہ ضعیف ہے ۔