مجمع الزوائد ومنبع الفوائد

سیدنا حذیفہ رضی اللہ عنہ بیان کرتے ہیں : ایک مرتبہ میں مدینہ منورہ کے راستے پر چلتا ہوا جا رہا تھا ، اسی دوران میں نے نبي اکرم صلی اللہ علیہ وسلم کو یہ ارشاد فرماتے ہوئے سنا : ” میں محمد ہوں ، أحمد ہوں اور نبی رحمت ہوں ، اور نبی توبہ ہوں ، اور حاشر ہوں ، اور مقفی ہوں ، اور نبی ملاحم ہوں ۔ “
یہ روایت امام أحمد اور امام بزار نے نقل کی ہے ، امام أحمد کے رجال ” صحیح “ کے رجال ہیں ، صرف عاصم بن بہدلہ کا معاملہ مختلف ہے ، اور وہ ثقہ ہے ، اس میں حافظے کی خرابی پائی جاتی ہے ۔

سیدنا جابر بن عبداللہ رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” میں أحمد ہوں ، اور میں محمد ہوں ، اور میں وہ حاشر ہوں کہ لوگوں کا حشر ، میرے قدموں میں کیا جائے گا ، اور میں مٹانے والا ہوں اللہ تعالیٰ میرے ذریعے کفر کو مٹا دے گا ، جب قیامت کا دن آئے گا ، تو ” لواء الحمد “ میرے پاس ہو گا اور میں ” مرسلین “ کا پیشوا ہوؤں گا اور ان کا شفاعت کرنے والا ہوؤں گا ۔ “
یہ روایت امام طبرانی نے معجم کبیر اور معجم اوسط میں نقل کی ہے ، اس کی سند میں ایک راوی عروہ بن مروان ہے ، اس کے بارے میں کہا: گیا ہے : وہ قوی نہیں ہے ، اس روایت کے بقیہ رجال کی توثیق کی گئی ہے ۔

سیدنا عبداللہ بن عباس رضی اللہ عنہما نبی اکرم صلی اللہ علیہ وسلم کا یہ فرمان نقل کرتے ہیں : ” میں أحمد ہوں ، اور محمد ہوں ، اور حاشر ہوں ، اور مقفی ہوں اور خاتم ہوں ۔ “
یہ روایت امام طبرانی نے معجم صغیر اور معجم اوسط میں نقل کی ہے ۔