مجمع الزوائد ومنبع الفوائد

عَنْ حُذَيْفَةَ قَالَ : بَيْنَا أَنَا أَمْشِي فِي طَرِيقِ الْمَدِينَةِ إِذَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَسَمِعْتُهُ يَقُولُ : " أَنَا مُحَمَّدٌ وَأَحْمَدُ وَنَبِيُّ الرَّحْمَةِ وَنَبِيُّ التَّوْبَةِ وَالْحَاشِرُ وَالْمُقَفِّي وَنَبِيُّ الْمَلَاحِمِ " . رَوَاهُ أَحْمَدُ وَالْبَزَّارُ ، وَرِجَالُ أَحْمَدَ رِجَالُ الصَّحِيحِ غَيْرَ عَاصِمِ بْنِ بَهْدَلَةَ وَهُوَ ثِقَةٌ وَفِيهِ سُوءُ حِفْظٍ . ¤

سیدنا حذیفہ رضی اللہ عنہ بیان کرتے ہیں : ایک مرتبہ میں مدینہ منورہ کے راستے پر چلتا ہوا جا رہا تھا ، اسی دوران میں نے نبي اکرم صلی اللہ علیہ وسلم کو یہ ارشاد فرماتے ہوئے سنا : ” میں محمد ہوں ، أحمد ہوں اور نبی رحمت ہوں ، اور نبی توبہ ہوں ، اور حاشر ہوں ، اور مقفی ہوں ، اور نبی ملاحم ہوں ۔ “
یہ روایت امام أحمد اور امام بزار نے نقل کی ہے ، امام أحمد کے رجال ” صحیح “ کے رجال ہیں ، صرف عاصم بن بہدلہ کا معاملہ مختلف ہے ، اور وہ ثقہ ہے ، اس میں حافظے کی خرابی پائی جاتی ہے ۔