مجمع الزوائد ومنبع الفوائد

سیدنا عبداللہ بن مسعود رضی اللہ عنہ فرماتے ہیں : ” سیدنا یوسف علیہ السلام اور ان کی والدہ کو ، چہرے اور سفید رنگت اور دیگر چیزوں کے حوالے سے ، لوگوں کے حسن کا دو تہائی حصہ دیا گیا تھا ، سیدنا یوسف علیہ السلام کے پاس جب کوئی خاتون آتی تھی ، تو وہ اپنے چہرے پر کپڑا ڈال لیتے تھے ، اس اندیشے کے تحت کہ کہیں وہ خاتون آزمائش کا شکار نہ ہو جائے ۔ “
یہ روایت امام طبرانی نے موقوف روایت کے طور پر نقل کی ہے ، اور اس کے رجال ” صحیح “ کے رجال ہیں ۔

یہی روایت امام طبرانی نے نقل کی ہے ، اور اس میں یہ الفاظ نقل کیے ہیں : ” سیدنا یوسف علیہ السلام اور ان کی والدہ کو ایک تہائی حسن عطا کیا گیا تھا ۔ “ بظاہر یہ لگتا ہے ، یہ وہم ہے ، باقی اللہ بہتر جانتا ہے ۔

سیدنا انس رضی اللہ عنہ فرماتے ہیں : سیدنا یوسف علیہ السلام کو نصف حسن عطا کیا گیا تھا ۔
یہ روایت امام ابویعلیٰ نے نقل کی ہے ، اور اس کے رجال ” صحیح “ کے رجال ہیں ۔