مجمع الزوائد ومنبع الفوائد

سیدنا ابوہریرہ رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں : ” بے شک اللہ تعالیٰ ہی السلام ہے ، تو تم اس ( کے نام ) سے پہلے کوئی چیز نہ کہو ، جب السلام علیکم کہا: جائے ، تو تم ( جواب دیتے ہوئے ) السلام علیکم کہو ۔ “

ایک روایت میں یہ الفاظ ہیں : ” تم میں سے کوئی ایک شخص جب سلام کرنے کا ارادہ کرے تو وہ السلام علیکم کہے ، کیونکہ اللہ تعالیٰ ہی السلام ہے ، تو تم اللہ تعالیٰ ( کے نام ) سے پہلے کسی اور چیز کے ذریعے آغاز نہ کرو ۔ “
یہ روایت امام ابویعلیٰ نے نقل کی ہے ۔ اس کی سند میں ایک راوی عبداللہ بن سعید مقبری ہے ، اور وہ انتہائی ضعیف ہے ۔ اس سے پہلے سلام کی حد کے بارے میں کچھ احادیث گزر چکی ہیں ۔