مجمع الزوائد ومنبع الفوائد

سیدہ عائشہ صدیقہ رضی اللہ عنہا بیان کرتی ہیں : نبی اکرم صلی اللہ علیہ وسلم نے اس فاقہ کشی کا ذکر کیا جو دجال سے پہلے ہو گی ، تو لوگوں نے دریافت کیا : اس وقت کون سا مال سب سے بہتر ہو گا ؟ نبی اکرم صلی اللہ علیہ وسلم نے ارشاد فرمایا : وہ مضبوط غلام جو اپنے مالکان کو پانی لا کے دے سکے ، جہاں تک کھانے کا معاملہ ہے ۔ وہ تو نہیں ہو گا ، لوگوں نے عرض کی : پھر اس وقت مومنین کا کھانا کیا ہو گا ؟ نبی اکرم صلی اللہ علیہ وسلم نے ارشاد فرمایا : تسبیح پڑھنا ، تکبیر کہنا لا الہ الا اللہ پڑھنا ، سیدہ عائشہ رضی اللہ عنہا نے دریافت کیا : اس وقت عرب کہاں ہوں گے ؟ نبی اکرم صلی اللہ علیہ وسلم نے ارشاد فرمایا : اس وقت عرب تھوڑے سے ہوں گے ۔ “
یہ روایت امام أحمد اور امام ابویعلیٰ نے نقل کی ہے اور اس کے رجال صحیح کے رجال ہیں ۔ آگے چل کے کچھ احادیث آئیں گی جو اس سے پہلے فاقہ کشی کے بارے میں ہوں گی ۔