مجمع الزوائد ومنبع الفوائد

راشد بن سعد بیان کرتے ہیں : جب اصطخر فتح ہوا تو ایک منادی نے یہ اعلان کیا کہ خبردار ! دجال نکل چکا ہے ، راوی کہتے ہیں : سیدنا صعب بن جثامہ رضی اللہ عنہ کی ان لوگوں سے ملاقات ہوئی تو انہوں نے فرمایا : تم لوگ یہ بات کہہ رہے ہو ، تو میں تمہیں بتاتا ہوں کہ میں نے نبی اکرم صلی اللہ علیہ وسلم کو یہ ارشاد فرماتے ہوئے سنا ہے : ” دجال اس وقت تک نہیں نکلے گا ، جب تک لوگ اس کا ذکر کرنا بھول نہیں چکے ہوں گے ، یہاں تک کہ امام منبروں پر اس کا ذکر ترک کر چکے ہوں گے ۔ “
یہ روایت عبداللہ بن أحمد نے بقیہ کی نقل کردہ روایت کے طور پر نقل کی ہے ، جو اس نے صفوان بن عمرو سے نقل کی ہے ، اور
یہ روایت مستند ہے جیسا کہ یحیی بن معین نے یہ بات کہی ہے ، اور اس روایت کے بقیہ رجال ثقہ ہیں ۔