مجمع الزوائد ومنبع الفوائد

سیدنا عبداللہ بن مسعود رضی اللہ عنہ کے بارے میں یہ بات منقول ہے : ایک مرتبہ انہوں نے بازار سے تعلق رکھنے والے کچھ لوگوں کو دیکھا کہ انہوں نے جیسے ہی اذان سنی ، تو اپنا ساز و سامان چھوڑ دیا اور بولے : نماز کی طرف چلو ! تو سیدنا عبداللہ رضی اللہ عنہ نے فرمایا : یہ وہ لوگ ہیں ، جن کے بارے میں اللہ تعالیٰ نے یہ فرمایا ہے : ” وہ لوگ کہ تجارت اور خرید و فروخت انہیں اللہ کے ذکر سے غافل نہیں کرتے ہیں “ ۔
یہ روایت امام طبرانی نے نقل کی ہے اس کی سند میں ایک راوی ایسا ہے جس کا نام بیان نہیں کیا گیا ہے ، اس روایت کے بقیہ رجال ” صحیح “ کے رجال ہیں ۔

سیدنا عبداللہ بن عباس رضی اللہ عنہما بیان کرتے ہیں وہ ( یعنی صحابہ کرام ) ایسے لوگ تھے جو تجارت کرتے تھے ، لیکن تجارت اور خرید و فروخت انہیں اللہ کے ذکر سے غافل نہیں کرتی تھی ۔
یہ روایت امام طبرانی نے نقل کی ہے اس کی سند میں ایک راوی عمرو بن ثابت نکری ہے اور وہ متروک ہے ۔