مجمع الزوائد ومنبع الفوائد

سیدنا عیاض اشعری رضی اللہ عنہ بیان کرتے ہیں : جب یہ آیت نازل ہوئی : تو عنقریب اللہ تعالیٰ ایسی قوم لے آئے گا جن سے وہ محبت رکھتا ہو گا اور وہ لوگ اس سے محبت رکھتے ہوں گے “ ۔ تو نبی اکرم صلی اللہ علیہ وسلم نے ارشاد فرمایا : وہ لوگ اس کی قوم کے ہیں نبی اکرم صلی اللہ علیہ وسلم کی مراد سیدنا ابوموسی اشعری رضی اللہ عنہ تھے ۔
یہ روایت امام طبرانی نے نقل کی ہے ، اور اس کے رجال صحیح کے رجال ہیں ۔

سیدنا جابر رضی اللہ عنہ بیان کرتے ہیں : نبی اکرم صلی اللہ علیہ وسلم سے اس آیت کے بارے میں دریافت کیا گیا ( ارشاد باری تعالیٰ ہے : ) ” عنقریب اللہ تعالیٰ ایسی قوم کو لے آئے گا کہ وہ جو ان سے محبت رکھتا ہو گا ، اور وہ لوگ اس سے محبت رکھتے ہوں گے “ ۔ نبی اکرم صلی اللہ علیہ وسلم نے ارشاد فرمایا : یہ یمن سے تعلق رکھنے والے لوگ ہیں جو کندہ سے تعلق رکھتے ہوں گے سکون سے تعلق رکھتے ہوں گے اور تجیب سے تعلق رکھتے ہوں گے “ ۔
یہ روایت امام طبرانی نے معجم اوسط میں نقل کی ہے ، اور اس کی سند حسن ہے ۔