مجمع الزوائد ومنبع الفوائد

عائذ بن سعید بیان کرتے ہیں : سیدنا سمیر بن زہیر جسری رضی اللہ عنہ نے عرض کی : یا رسول اللہ ! میرا بھائی سلمہ بن زہیر ، اور اللہ اور اس کے رسول کی طرف ہجرت کرنے کے لئے نکلا تھا بنو غفار سے تعلق رکھنے والے آپ کی سواریوں کے چرواہے اس سے ملے اور انہوں نے حرمت والے مہینے میں اس کو قتل کر دیا کیونکہ ہمارے اور ان لوگوں کے درمیان زمانہ جاہلیت سے قتل کا مقدمہ چلا آ رہا تھا ۔ نبی اکرم صلی اللہ علیہ وسلم نے ان لوگوں کو بلوایا اور ان سے اس بارے میں دریافت کیا تو انہوں نے بتایا کہ ہم نے اس شخص کو پایا تھا کہ وہ آپ کی سواریوں کو ہانک کر لے جا رہا تھا ہم نے اسے پکڑنا چاہا وہ ہمارے ق ابومیں نہیں آیا ، تو ہم نے اسے قتل کر دیا راوی بیان کرتے ہیں : مجھے نہیں معلوم کہ نبی اکرم صلی اللہ علیہ وسلم نے ان سے حلف لیا تھا یا ویسے ہی ان کی بات کو سچ سمجھ لیا البتہ نبی اکرم صلی اللہ علیہ وسلم نے ان صاحب سے ان کے بھائی کے اسلام کے بارے میں دریافت کیا ، اور اس بارے میں کوئی ثبوت نہیں ملا تو نبی اکرم صلی اللہ علیہ وسلم نے حرمت والے مہینے کی حرمت کے حوالے سے انہیں پچاس اونٹ دیت کے طور پر دیے ۔ راوی بیان کرتے ہیں : تو وہ اونٹ ان کے گھر میں موجود تمام اونٹوں سے زیادہ فضیلت رکھتے تھے اور زیادہ برکت والے تھے ۔
یہ روایت امام طبرانی نے نقل کی ہے ۔ اس کی سند میں ایک راوی یعقوب بن محمد زہری ہے ، اور وہ متروک ہے ۔