مجمع الزوائد ومنبع الفوائد

سیدنا ابوحجیفہ رضی اللہ عنہ بیان کرتے ہیں نبی اکرم صلی اللہ علیہ وسلم نے ایسی عورت سے حد کو پرے کر دیا گیا جس کے ساتھ زبردستی کی گئی تھی ۔
یہ روایت امام طبرانی نے نقل کی ہے اس کی سند میں ایک راوی حجاج بن ارطاۃ ہے اور وہ مدلس ہے ۔

عبدالکریم بیان کرتے ہیں مجھے سیدنا علی رضی اللہ عنہ اور سیدنا عبداللہ بن مسعود رضی اللہ عنہ کے بارے میں یہ بات بتائی گئی ہے کہ جس کنواری لڑکی کے ساتھ زبردستی کی گئی ہو اس کے بارے میں وہ حضرات فرماتے ہیں کہ کنواری لڑکی کو اس جیسی کسی لڑکی مانند مہر ملے گا اور ثیبہ عورت کو بھی اس جیسی عورت کی مانند مہر ملے گا ۔
یہ روایت امام طبرانی نے نقل کی ہے اس کی سند منقطع ہے اور عبدالکریم نامی راوی تک اس کے رجال ثقہ ہیں ۔

عبدالکریم بیان کرتے ہیں سیدنا علی رضی اللہ عنہ اور سیدنا عبداللہ بن مسعود رضی اللہ عنہ نے ایسی کنیز کے بارے میں یہ فرمایا ہے جس کے ساتھ زبردستی کی گئی ہو کہ اگر تو وہ کنواری ہو تو پھر اس کی قیمت کا دسواں حصہ ادا کیا جائے گا اور اگر وہ ثیبہ ہو تو پھر اس کی قیمت کا بیسواں حصہ ادا کیا جائے گا ۔
یہ روایت امام طبرانی نے اسی سند کے ساتھ نقل کی ہے جو اس سے پہلے گزری ہے اور وہ سند منقطع ہے ۔