مجمع الزوائد ومنبع الفوائد

سیدنا ابوہریرہ رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” آدمی کا باندھ کر قتل ہو جانا اس کے پہلے کے گناہوں کا کفارہ بن جاتا ہے “ ۔
یہ روایت امام بزار نے نقل کی ہے اس کی سند میں ایک راوی صالح بن موسیٰ بن طلحہ ہے اور وہ متروک ہے ۔

سیدہ عائشہ صدیقہ رضی اللہ عنہا بیان کرتی ہیں نبی اکرم صلی اللہ علیہ وسلم نے ارشاد فرمایا : ” باندھ کر قتل ہو جانا جس بھی گناہ کے پاس سے گزرتا ہے اسے مٹا دیتا ہے “ ۔
یہ روایت امام بزار نے نقل کی ہے وہ کہتے ہیں ہمارے علم کے مطابق نبی اکرم صلی اللہ علیہ وسلم سے
یہ روایت صرف اسی سند کے ساتھ منقول ہے اور اس کے رجال ثقہ ہیں ۔

سیدنا عبداللہ بن مسعود رضی اللہ عنہ کے بارے میں یہ بات منقول ہے کہ وہ فرماتے ہیں جو شخص حدود کا مرتکب ہو اور پھر قتل عمد کے طور پر قتل ہو جائے تو سیدنا عبداللہ بن مسعود رضی اللہ عنہ فرماتے ہیں جب قتل آ جاتا ہے تو ہر چیز ( یعنی گناہ ) کو مٹا دیا جاتا ہے ۔
یہ روایت امام طبرانی نے نقل کی ہے اس کی سند میں ایک راوی ایسا ہے جس کا نام بیان نہیں کیا گیا ہے اس روایت کے بقیہ رجال ثقہ ہیں ۔

حسن بصری بیان کرتے ہیں زیاد شیعہ نے علی کو تلاش کر کے انہیں قتل کر دیتا تھا اور سیدنا امام حسن بن علی رضی اللہ عنہما کو اس بات کی اطلاع ملی تو انہوں نے فرمایا اے اللہ ! اسے طبعی موت دینا ، کیونکہ قتل ، کفارہ ہوتا ہے ۔
یہ روایت امام طبرانی نے نقل کی ہے اور اس کے رجال صحیح کے رجال ہیں ۔