مجمع الزوائد ومنبع الفوائد

سیدنا ثابت بن حارث انصاری رضی اللہ عنہ بیان کرتے ہیں : غزوہ خیبر کے موقع پر نبی اکرم صلی اللہ علیہ وسلم نے سیدہ سہلہ بنت عاصم رضی اللہ عنہا کو اور ان کی صاحبزادی جو پیدا ہوئی تھی انہیں ( تقسیم میں حصہ ) دیا تھا ۔
یہ روایت امام طبرانی نے نقل کی ہے ۔ اس کی سند میں ایک راوی ابن لہیعہ ہے اس میں ضعف پایا جاتا ہے اس کی نقل کردہ حدیث حسن ہے ۔

سیدنا عبداللہ رضی اللہ عنہ کی اہلیہ سیدہ زینب ثقفیہ رضی اللہ عنہا بیان کرتی ہیں : نبی اکرم صلی اللہ علیہ وسلم نے انہیں خیبر میں پچاس وسق کھجوریں اور مدینہ منورہ میں بیس وسق جو دیے تھے ۔
یہ روایت امام طبرانی نے نقل کی ہے اور اس کے رجال صحیح کے رجال ہیں ۔