مجمع الزوائد ومنبع الفوائد

ابن ابوملیکہ بیان کرتے ہیں : سیدنا ابوبکر رضی اللہ عنہ کو کہا: گیا : اے اللہ کے خلیفہ ! تو انہوں نے فرمایا : میں اللہ کے رسول کا خلیفہ ہوں ، اور میں اس بات سے راضی ہوں ، اور میں اس بات سے راضی ہوں ، اور میں اس بات سے راضی ہوں ۔
یہ روایت امام أحمد نے نقل کی ہے ۔ اور اس کے رجال صحیح کے رجال ہیں ، البتہ ابن ملیکہ نامی شخص نے سیدنا ابوبکر رضی اللہ عنہ کا زمانہ نہیں پایا ہے ۔

زہری بیان کرتے ہیں : سیدنا عثمان بن حنیف رضی اللہ عنہ نے سیدنا معاویہ رضی اللہ عنہ کو سلام کیا اس وقت ان کے پاس اہل شام موجود تھے ۔ سیدنا عثمان بن حنیف رضی اللہ عنہ نے کہا: اے امیر آپ کو سلام ہو ! اہل شام نے کہا: یہ منافق شخص کون ہے ؟ جس نے امیرالمؤمنین کے لفظ کو مختصر کر دیا ہے سیدنا عثمان بن حنیف رضی اللہ عنہ نے سیدنا معاویہ رضی اللہ عنہ سے کہا: یہ لوگ مجھ پر ایک ایسی چیز کے حوالے سے اعتراض کر رہے ہیں جس کے بارے میں آپ زیادہ بہتر جانتے ہیں کہ میں نے ان کلمات کے ذریعے سیدنا ابوبکر رضی اللہ عنہ سیدنا عمر رضی اللہ عنہ اور سیدنا عثمان رضی اللہ عنہ کو بھی سلام کیا ہے ، تو سیدنا معاویہ رضی اللہ عنہ نے فرمایا : میرا خیال ہے کہ ایسا ہوا تھا جس طرح تم بیان کر رہے ہو لیکن جب اختلافات پیدا ہو گئے ، تو اہل شام یہ کہتے ہیں : کہ اللہ کی قسم ! ہم اپنے دین کے بارے میں بخوبی جانتے ہیں اور ہم اپنے خلیفہ کو مخاطب کرتے ہوئے الفاظ میں کی نہیں کریں گے اے اہل مدینہ ! تم لوگوں کے بارے میں میرا یہ خیال ہے کہ تم لوگ زکوۃ وصول کرنے والے اہلکار کو بھی امیر کہتے ہو ۔
یہ روایت امام طبرانی نے نقل کی ہے ۔ زہری نے سیدنا معاویہ رضی اللہ عنہ کا زمانہ نہیں پایا ہے تاہم اس روایت کے بقیہ رجال صحیح کے رجال ہیں ۔ ( علامہ ہیثمی فرماتے ہیں : ) میں یہ کہتا ہوں : سیدنا عمر رضی اللہ عنہ کے مناقب میں یہ بات شامل ہے کہ وہ پہلے فرد ہیں جنہیں ” امیر المؤمنین“ کا خطاب دیا گیا ۔