مجمع الزوائد ومنبع الفوائد

سیدنا زید بن ثابت رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” جس چیز کی زیادہ مقدار نشہ کر دے ، اس کی تھوڑی مقدار بھی حرام ہے “ ۔
یہ روایت امام طبرانی نے معجم کبیر اور معجم اوسط میں نقل کی ہے ۔ اس کی سند میں ایک راوی اسماعیل بن قیس بن سعد ہے ، اور وہ انتہائی ضعیف ہے ۔

سیدنا خوات بن جبیر رضی اللہ عنہ نے ، نبی اکرم صلی اللہ علیہ وسلم کا یہ فرمان نقل کیا ہے : ” جس کی زیادہ مقدار نشہ کر دے ، اُس کی تھوڑی مقدار بھی حرام ہے “ ۔
یہ روایت امام طبرانی نے معجم کبیر اور معجم اوسط میں نقل کی ہے ۔ اس کی سند میں ایک راوی عبداللہ بن اسحاق ہاشمی ہے عقیلی کہتے ہیں : اس کے حوالے سے ایسی احادیث منقول ہیں ، جن میں سے کسی نے اس کی متابعت نہیں کی گئی امام ذہبی نے اس کے حوالے سے روایت نقل کی ہے ۔ اس سے پہلے سیدنا انس رضی اللہ عنہ کے حوالے سے منقول حدیث گزر چکی ہے جو اس چیز سے متعلق باب میں ہے جو نشہ کر دے وہ اس ورق کے آغاز میں گزری ہے ، جو پلٹا گیا ہے ، اس روایت کے رجال صحیح کے رجال ہیں ۔