مجمع الزوائد ومنبع الفوائد

سیدنا انس رضی اللہ عنہ بیان کرتے ہیں : جب وہ صبح آئی جب مجھے احتلام ہوا تھا تو میں نبی اکرم صلی اللہ علیہ وسلم کی خدمت میں حاضر ہوا اور میں نے آپ کو اس بارے میں بتایا تو آپ نے فرمایا : اب تم خواتین پر داخل نہیں ہو گے ۔ ( سیدنا انس رضی اللہ عنہ کہتے ہیں : ) مجھ پر اس دن سے زیادہ شدید دن کوئی نہیں آیا ۔
یہ روایت امام طبرانی نے معجم صغیر اور معجم اوسط میں نقل کی ہے ۔ اس کی سند میں ایک راوی زفر بن سلیمان ہے ، اور وہ ثقہ ہے اس میں ایسا ضعف پایا جاتا ہے جو نقصان دہ نہیں ہے اس روایت کے بقیہ رجال ثقہ ہیں ۔

سیدنا سعید بن زید رضی اللہ عنہ بیان کرتے ہیں : جب نبی اکرم صلی اللہ علیہ وسلم کا وصال ہوا تو اگر کوئی بچہ گھر میں آتا تھا تو سیدہ فاطمہ رضی اللہ عنہا سر پر کپڑا نہ بھی ہو ( تو خیال نہیں کرتی تھیں ) لیکن اگر کوئی مرد آتا تھا تو وہ سر کو ڈھانپ لیتی تھیں ۔
یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی عمرو بن ثابت بکری ہے ، اور وہ متروک ہے ۔