مجمع الزوائد ومنبع الفوائد

سیدنا عبداللہ بن عباس رضی اللہ عنہما بیان کرتے ہیں : یہ آیت نازل ہوئی : ” تم مشرک عورتوں سے نکاح نہ کرو ! جب تک وہ ایمان نہ لے آئیں “ تو لوگ ان عورتوں سے رک گئے ، یہاں تک کہ اس کے بعد یہ آیت نازل ہوئی : ” اب تمہارے لئے پاکیزہ چیزیں حلال قرار دے دی گئی ہیں “ ” اہل ایمان میں سے پاک دامن عورتیں اور جن لوگوں کو تم سے پہلے کتاب دی گئی ، اُن میں سے پاک دامن عورتیں “ تو لوگوں نے اہل کتاب کی خواتین سے نکاح کیا ۔
یہ روایت امام طبرانی نے نقل کی ہے ، اور اس کے رجال ثقہ ہیں ۔