مجمع الزوائد ومنبع الفوائد

سیدنا ابوہریرہ رضی اللہ عنہ نے نبی اکرم صلی اللہ علیہ وسلم کے بارے میں یہ بات نقل کی ہے : آپ صلی اللہ علیہ وسلم نے ایک الزام کی وجہ سے ایک شخص کو قید کر دیا تھا ۔

ایک روایت میں یہ الفاظ ہیں : آپ نے ایک الزام میں کفالت طلب کی تھی ( یا کفیل بنایا تھا ، شاید اس کا ایک یہ مطلب بھی ہو سکتا ہے کہ آپ نے ایک الزام کے سلسلے میں ضمانت طلب کی تھی ) ۔
یہ روایت امام بزار نے نقل کی ہے ، اس کی سند میں ایک راوی ابراہیم بن خثیم بن عراک ہے ، اور وہ متروک ہے ۔

سیدنا نبشہ رضی اللہ عنہ بیان کرتے ہیں : نبی اکرم صلی اللہ علیہ وسلم نے ایک الزام کی وجہ سے ایک شخص کو قید کر دیا تھا ۔
یہ روایت امام طبرانی نے معجم اوسط میں نقل کی ہے اور اس کی سند میں ایسا راوی ہے ، جس سے میں واقف نہیں ہوں ۔