مجمع الزوائد ومنبع الفوائد

سیدنا علی رضی اللہ عنہ اور سیدنا عبداللہ بن مسعود رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں : ” کسی کے ساتھ ، کسی قسم کی ادائیگی کے بارے میں کیا گیا ) وعدہ ، قرض ہوتا ہے “ ۔
یہ روایت امام طبرانی نے معجم اوسط اور معجم صغیر میں نقل کی ہے اور اس میں ۔ انہوں نے صرف سیدنا علی رضی اللہ عنہ کے حوالے سے یہ الفاظ زائد نقل کیے ہیں : ” اس شخص کے لیے بربادی ہے ، جو وعدہ کرے اور پھر اس کی خلاف ورزی کرے “ یہ بات آپ نے تین مرتبہ ارشاد فرمائی ۔ اس روایت کی سند میں ایک راوی حمزہ بن داؤد ہے ، جسے امام دارقطنی رحمہ اللہ نے ضعیف قرار دیا ہے ۔

سیدنا قباث بن اشیم لیثی رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” وعدہ ، عطیہ ہوتا ہے “ ۔
یہ روایت امام طبرانی نے معجم اوسط میں نقل کی ہے ، اس کی سند میں ایک راوی اصبغ بن عبدالعزیز لیثی ہے ، ابوحاتم کہتے ہیں : یہ مجہول ہے ۔