مجمع الزوائد ومنبع الفوائد

سیدنا عامر بن ربیعہ رضی اللہ عنہ بیان کرتے ہیں : نبی اکرم صلی اللہ علیہ وسلم نے ” مہزور “ نامی پانی کی ندی کے بارے میں یہ فیصلہ دیا تھا کہ اوپر والے لوگ پانی کو نیچے والے لوگوں کے پاس جانے سے روکے رکھیں گے ، جب تک وہ ٹخنوں تک نہیں پہنچ جاتا ، پھر وہ نیچے والوں کے لیے چھوڑ دیں گے ۔
یہ روایت امام طبرانی نے معجم کبیر میں نقل کی ہے اس کی سند میں ایک راوی عاصم بن عبیداللہ ہے اور وہ ضعیف ہے ۔

سیدنا عبداللہ بن مسعود رضی اللہ عنہ فرماتے ہیں : پانی میں نیچے والے لوگ ، اوپر والوں پر امیر ہوں گے ۔
یہ روایت امام طبرانی نے معجم کبیر میں نقل کی ہے اور اس کی سند منقطع ہے ۔ ( علامہ ہیثمی فرماتے ہیں : ) میں یہ کہتا ہوں : سیدنا عبادہ رضی اللہ عنہ سے منقول حدیث احکام سے متعلق باب میں آئے گی ، جسے امام أحمد نے روایت کیا ہے ، اگر اللہ نے چاہا ۔