مجمع الزوائد ومنبع الفوائد

سیدنا جابر رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” راستے کی حد سات ذراع ( یعنی کہنی سے درمیانی سب سے بڑی انگلی کے کنارے جتنی مقدار ) ہو گی “ ۔
یہ روایت امام طبرانی نے معجم اوسط میں نقل کی ہے ، اس کی سند میں ایک راوی سوید بن عبدالعزیز ہے ، جسے دحیم نے ثقہ قرار دیا ہے اور جمہور ائمہ نے اسے ضعیف کہا: ہے ۔

سیدنا عبادہ رضی اللہ عنہ بیان کرتے ہیں : نبی اکرم صلی اللہ علیہ وسلم نے صحن کے بارے میں ( یا گھر سے باہر موجود کھلی جگہ کے بارے میں ) یہ فیصلہ دیا ہے کہ اگر وہاں کے رہنے والے عمارت تعمیر کرنا چاہتے ہیں ، تو اس کے بارے میں یہ فیصلہ دیا ہے کہ وہ درمیان میں راستے کے لئے سات ذراع جگہ چھوڑ دیں گے ۔ ایک روایت میں یہ الفاظ ہیں : ” وہ حسن ، جو لوگوں کے درمیان مشترک ہو ، اس کے بارے میں آپ نے یہ فیصلہ دیا ہے کہ راستہ سات ذراع کا ہو گا “ ۔ یہ تمام روایات امام طبرانی نے معجم کبیر میں نقل کی ہیں ، امام أحمد نے پہلی روایت کا مفہوم ایک طویل حدیث میں ذکر کیا ہے وہ روایت آگے آئے گی ، اگر اللہ نے چاہا ، اسحاق نامی راوی نے سیدنا عبادہ رضی اللہ عنہ کا زمانہ نہیں پایا ہے ۔