مجمع الزوائد ومنبع الفوائد

سیدنا عبداللہ بن عمر رضی اللہ عنہما روایت کرتے ہیں : نبی اکرم صلی اللہ علیہ وسلم نے ارشاد فرمایا : ” وہ شخص ملعون ہے ، جو اپنے آزاد کرنے والے آقا کی بجائے کسی اور کی طرف اپنی نسبت کرتا ہے ، وہ شخص ملعون ہے ، جو اپنے باپ کے علاوہ کسی اور کی طرف اپنی نسبت کرتا ہے ، اور وہ شخص ملعون ہے ، جو زمین کے نشانات تبدیل کر دیتا ہے “ ۔
یہ روایت امام بزار نے نقل کی ہے ، اس کی سند میں ایک راوی محمد بن عبدالرحمن بن بیلمانی ہے اور وہ ضعیف ہے ۔ سیدنا ابن عمر رضی اللہ عنہما کے حوالے سے ایک منقول حدیث آگے آئے گی ، جو غصب کے بارے میں ہے اور وہ اس روایت کے علاوہ ہے ،
یہ روایت امام أحمد نے نقل کی ہے ۔

سیدنا عمرو بن عوف رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” جو شخص زمین کے نشانات تبدیل کرتا ہے ، قیامت کے دن اس پر اللہ تعالیٰ کی لعنت اور اس کا غضب ہو گا ، اللہ تعالٰی اس کی کوئی فرض یا نفل عبادت قبول نہیں کرے گا “ ۔
یہ روایت امام طبرانی نے معجم کبیر میں نقل کی ہے ، اس کی سند میں ایک راوی کثیر بن عبداللہ ہے ، جس کے ضعیف ہونے پر محدثین کا اتفاق ہے ، البتہ امام ترمذی نے اس کی نقل کردہ ایک حدیث کو حسن قرار دیا ہے ، باقی اللہ بہتر جانتا ہے ۔