مجمع الزوائد ومنبع الفوائد

سیدہ عائشہ صدیقہ رضی اللہ عنہا بیان کرتی ہیں نبی اکرم صلی اللہ علیہ وسلم نے ارشاد فرمایا : ” تم ان خواتین کو بالا خانوں میں نہ ٹہراؤ اور انہیں تحریر کی تعلیم نہ دو انہیں سوت کاتنے کی اور انہیں سورہ نور کی تعلیم دو “ ۔
یہ روایت امام طبرانی نے معجم اوسط میں نقل کی ہے اس کی سند میں ایک راوی محمد بن ابراہیم شامی ہے امام دارقطنی رحمہ اللہ کہتے ہیں : وہ کذاب ہے ۔

زیادہ بن عبداللہ قرشی بیان کرتے ہیں : میں ہند بنت مہلب بن ابوصفرہ کے پاس گیا وہ حجاج بن یوسف کی اہلیہ تھیں ان کے ہاتھ میں سوت کاتنے کا آلہ تھا جس کے ذریعے وہ سوت کات رہی تھیں میں نے ان سے کہا: کیا آپ سوت کات رہی ہیں جبکہ آپ گورنر صاحب کی بیوی ہیں تو انہوں نے بتایا کہ میں نے اپنے والد کو میرے دادا کے حوالے سے
یہ روایت بیان کرتے ہوئے سنا ہے وہ کہتے ہیں : میں نے نبی اکرم صلی اللہ علیہ وسلم کو یہ ارشاد فرماتے ہوئے سنا ہے ” جو تم میں سے زیادہ طویل بنے گی وہ زیادہ اجر پائے گی “ ۔
یہ روایت امام طبرانی نے معجم اوسط میں نقل کی ہے اس کی سند میں ایک راوی یزید بن مروان الحلال ہے یحیی بن معین کہتے ہیں : وہ کذاب ہے ۔