مجمع الزوائد ومنبع الفوائد

سیدنا ابوہریرہ رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” تم میری قبر کو بت ہرگز نہ بنا دینا اللہ تعالیٰ ان لوگوں پر منت کرے جنہوں نے اپنے انبیاء کی قبروں کو سجدہ گاہ بنا دیا تھا “ ۔
یہ روایت امام ابویعلیٰ نے نقل کی ہے اس کی سند میں ایک راوی اسحاق ابواسرائیل ہے قرآن کے بارے میں اس کے توقف کی وجہ سے اس راوی کے بارے میں کلام کیا گیا ہے اور اس کے بقیہ رجال ثقہ ہیں ۔

امام زین العابدین کے بارے میں یہ بات منقول ہے : انہوں نے ایک شخص کو دیکھا جو نبی اکرم صلی اللہ علیہ وسلم کی قبر مبارک کے پاس موجود کشادہ جگہ کے پاس آیا اور اس میں داخل ہو کے دعا کرنے لگا تو امام زین العابدین رضی اللہ عنہ نے اسے منع کیا اور فرمایا : میں تمہیں وہ حدیث بیان نہ کروں جو میں نے اپنے والد کے حوالے سے اپنے دادا کے حوالے سے نبی اکرم صلی اللہ علیہ وسلم سے سنی ہے آپ نے ارشاد فرمایا ہے : ” تم میری قبر کو عید نہ بنا لینا اور اپنے گھروں کو قبر نہ بنانا تم جہاں کہیں بھی ہو گے تمہار اسلام مجھ تک پہنچے گا “ ۔
یہ روایت امام ابویعلیٰ نے نقل کی ہے اس کی سند میں ایک راوی حفص بن ابراہیم جعفری ہے امام ابن ابوحاتم نے اس کا ذکر کیا ہے ۔ انہوں نے اس کے بارے میں کوئی جرح ذکر نہیں کی ہے اس کے بقیہ رجال ثقہ ہیں ۔