مجمع الزوائد ومنبع الفوائد

سیدہ سبعیہ اسلمیہ رضی اللہ عنہ نبی اکرم صلی اللہ علیہ وسلم کا یہ فرمان نقل کرتی ہیں : ” تم میں سے جو شخص یہ استطاعت رکھتا ہو کہ وہ مدینہ میں انتقال کرے تو اسے ( مدینہ میں ) مرنا چاہیے کیونکہ جو بھی شخص یہاں مرے گا تو قیامت کے دن میں اس کا شفاعت کرنے والا ( راوی کو شک ہے شاید یہ الفاظ ہیں : ) اس کا گواہ ہوؤں گا“ ۔
یہ روایت امام طبرانی نے معجم کبیر میں نقل کی ہے اور اس کے رجال صحیح کے رجال ہیں صرف عبداللہ بن عکرمہ کا معاملہ مختلف ہے ابن ابوحاتم نے اس کا ذکر کیا ہے ایک جماعت نے اس سے روایت نقل کی ہے کسی نے اس کے بارے میں برائی کے حوالے سے کلام نہیں کیا ہے ۔

ایک یتیم خاتون ، نبی اکرم صلی اللہ علیہ وسلم کے ہاں رہتی تھیں اور وہ ثقیف قبیلے تعلق رکھتی تھی ۔ انہوں نے سیدہ صفیہ بنت ابوعبید رضی اللہ عنہما کو یہ بات بیان کی نبی اکرم صلی اللہ علیہ وسلم نے ارشاد فرمایا : ” تم میں سے جو شخص مدینہ منورہ میں مر سکتا ہو اسے ( مدینہ میں ) مرنا چاہیے کیونکہ جو شخص یہاں مرے گا قیامت کے دن میں اس کا گواہ ( راوی کو شک ہے شاید یہ الفاظ ہیں : ) اس کا شفاعت کرنے والا ہوؤں گا “ ۔
یہ روایت امام طبرانی نے معجم کبیر میں نقل کی ہے اس کی سند حسن ہے اس کے رجال صحیح کے رجال ہیں صرف امام طبرانی کے استاد کا معاملہ مختلف ہے ۔