مجمع الزوائد ومنبع الفوائد

سیدنا عبداللہ بن مسعود رضی اللہ عنہ بیان کرتے ہیں : نبی اکرم صلی اللہ علیہ وسلم نے مجھے یہ ہدایت کی تھی کہ جس دن میں نے روزہ رکھا ہوا ہو میں تیل لگایا کروں اور کنگھی کر کے رکھا کروں تو تم اپنے روزے کے دن ماتھے پر بل ڈال کے نہ رکھا کرو ۔
یہ روایت امام طبرانی نے نقل کی ہے ۔ اس کی سند میں ایک راوی یمان بن سعید ہے ، اور وہ ضعیف ہے ۔

سیدنا عبداللہ بن مسعود رضی اللہ عنہ فرماتے ہیں : تم لوگ ایسی حالت میں روزہ رکھو کہ تم نے تیل لگایا ہوا ہو ۔
یہ روایت امام طبرانی نے نقل کی ہے ۔ اس کے رجال ” صحیح “ کے رجال ہیں البتہ میں نے ایسی کوئی روایت نہیں پائی ہے کہ ابوحصین نامی راوی نے سیدنا عبداللہ بن مسعود رضی اللہ عنہ سے سماع کیا ہو ۔