مجمع الزوائد ومنبع الفوائد

سیدنا عبداللہ بن عمر رضی اللہ عنہما نبی اکرم صلی اللہ علیہ وسلم کا یہ فرمان نقل کرتے ہیں : ” جس شخص کی نماز جنازہ ایک سو افراد ادا کر لیں اللہ تعالیٰ اس کی مغفرت کر دیتا ہے “ ۔
یہ روایت امام طبرانی نے معجم کبیر میں نقل کی ہے ۔ اس کی سند میں ایک راوی مبشر بن ابوملیح ہے میں نے کسی کو اس کا ذکر کرتے ہوئے نہیں پایا ہے ۔

ابوملیح ہذلی بیان کرتے ہیں : وہ ایک جنازے میں نکلے جب چار پائی کو رکھ دیا گیا تو وہ لوگوں کی طرف متوجہ ہوئے اور بولے : صفیں سیدھی کر لو اور اچھے طریقے سے سفارش کرنا پھر ابوملیح نے یہ بات بیان کی سیدنا سلیک رضی اللہ عنہ جو ام المؤمنین سیدہ ام میمونہ رضی اللہ عنہا کے بھائی ہیں انہوں نے مجھے سیدہ میمونہ رضی اللہ عنہا کے حوالے سے نبی اکرم صلی اللہ علیہ وسلم سے
یہ روایت نقل کی ہے ۔ آپ نے ارشاد فرمایا : ” جس شخص کی نماز جنازہ ایک سو افراد ادا کر لیں تو ان کے بھائی کے بارے میں ان لوگوں کی شفاعت قبول ہوتی ہے ، اور امت چالیس سے لے کے ایک سو افراد تک ہوتی ہے ، اور عصبہ دس افراد سے لے چالیس افراد تک ہوتا ہے ، اور نفرتین سے لے کے دس افراد تک ہوتے ہیں“ ۔ ( علامہ ہیثمی فرماتے ہیں : ) میں یہ کہتا ہوں :
یہ روایت امام نسائی رحمہ اللہ نے اختصار کے ساتھ نقل کی ہے ۔
یہ روایت امام طبرانی نے معجم کبیر میں نقل کی ہے ۔ اس کی سند میں ایک راوی قاسم بن مطیب ہے ، اور وہ ضعیف ہے ۔