مجمع الزوائد ومنبع الفوائد

اسحاق بن حارث بیان کرتے ہیں : میں نے سیدنا خالد بن حواری رضی اللہ عنہ کو دیکھا جن کا تعلق حبشہ سے تھا وہ نبی اکرم صلی اللہ علیہ وسلم کے صحابی تھے ۔ انہوں نے اپنی اہلیہ کے ساتھ صحبت کی ، جب ان کی وفات کا وقت آیا تو انہوں نے فرمایا : تم لوگ مجھے دو مرتبہ غسل دینا ایک مرتبہ جنابت کا غسل ہو گا ، اور ایک مرتبہ موت کا ہو گا ۔
یہ روایت امام طبرانی نے معجم کبیر میں نقل کی ہے ۔ اسحاق نامی راوی کے حالات بیان کرتے ہوئے میں نے کسی کو نہیں پایا ہے ۔ اس روایت کے بقیہ رجال ثقہ ہیں ۔

سیدنا عبداللہ بن عباس رضی اللہ عنہما بیان کرتے ہیں : سیدنا حمزہ بن عبدالمطلب رضی اللہ عنہ اور سیدنا حنظلہ بن راہب رضی اللہ عنہ نے جنابت کی حالت میں جام شہادت نوش کیا تھا نبی اکرم صلی اللہ علیہ وسلم نے ارشاد فرمایا : میں نے فرشتوں کو دیکھا کہ وہ ان دونوں کو غسل دے رہے ہیں ۔
یہ روایت امام طبرانی نے معجم کبیر میں نقل کی ہے ، اور اس کی سند حسن ہے ۔