مجمع الزوائد ومنبع الفوائد

سیدنا ابوہریرہ رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” وہ شخص ہم میں سے نہیں جو ( مصیبت کے وقت ) گال پیٹتا ہے ، یا گریبان پھاڑ دیتا ہے ، یا زمانہ جاہلیت کی طرح چیخ و پکار کرتا ہے “ ۔
یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی عبداللہ بن عبدالقدوس ہے ، اور اس کے بارے میں کلام کیا گیا ہے ، اور اس کی توثیق بھی کی گئی ہے ۔

سیدنا جابر رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” وہ شخص ہم میں سے نہیں ، جو ( مصیبت کے وقت ) سر مونڈ لے یا بلند آواز میں چیخ و پکار کرے ، یا ( کپڑے کو ) پھاڑ دے “ ۔
یہ روایت امام بزار نے نقل کی ہے ، اور اس کے رجال ثقہ ہیں ،
یہ روایت امام ابویعلیٰ نے بھی نقل کی ہے ۔