مجمع الزوائد ومنبع الفوائد

سیدہ عائشہ صدیقہ رضی اللہ عنہ بیان کرتی ہیں : نبی اکرم صلی اللہ علیہ وسلم حجرے میں نماز ادا کرتے تھے ، اور میں گھر میں ہوتی تھی ، تو نبی اکرم صلی اللہ علیہ وسلم جفت اور وتر کے درمیان سلام پھیر کر فصل کرتے تھے ، اور اس سلام کی آواز آپ ہمیں سناتے تھے ( یعنی بلند آواز میں سلام پھیرتے تھے ) ۔
یہ روایت امام أحمد نے نقل کی ہے ، عمر بن عبدالعزیز نے سیدہ عائشہ رضی اللہ عنہا کا زمانہ نہیں پایا ہے ۔

سیدنا عبداللہ بن عمر رضی اللہ عنہما بیان کرتے ہیں : نبی اکرم صلی اللہ علیہ وسلم جفت نماز اور وتر کے درمیان بلند آواز میں سلام پھیر کر فصل کرتے تھے ۔
یہ روایت امام طبرانی نے معجم اوسط میں نقل کی ہے ، اس کی سند میں ایک راوی ابراہیم بن سعید ہے ، اور وہ ” ضعیف“ ہے ۔