مجمع الزوائد ومنبع الفوائد

سیدنا عبداللہ بن مسعود رضی اللہ عنہ بیان کرتے ہیں : نبی اکرم صلی اللہ علیہ وسلم نے پہلی ( یعنی ظہر کی ) اور عصر کی نمازیں اور مغرب اور عشاء کی نمازیں ایک ساتھ ادا کی تھیں نبی اکرم صلی اللہ علیہ وسلم سے اس بارے میں دریافت کیا گیا تو آپ نے ارشاد فرمایا : میں نے ایسا اس لئے کیا ہے تاکہ میری امت حرج کا شکار نہ ہو
یہ روایت امام طبرانی نے معجم اوسط اور معجم کبیر میں نقل کی ہے ، اس کی سند میں ایک راوی عبداللہ بن عبدالقدوس ہے ، جسے یحیی بن معین اور امام نسائی رحمہ اللہ نے ضعیف قرار دیا ہے ، اور ابن حبان نے اسے ” ثقہ “ قرار دیا ہے امام بخاری رحمہ اللہ فرماتے ہیں : یہ صدوق ہے ، تاہم یہ ضعیف لوگوں سے روایت نقل کرتا ہے ( علامہ ہیثمی فرماتے ہیں : ) میں یہ کہتا ہوں : اس نے یہ روایت اعمش سے نقل کی ہے ، اور وہ ” ثقہ “ ہے ۔

سیدنا ابوہریرہ رضی اللہ عنہ بیان کرتے ہیں : نبی اکرم صلی اللہ علیہ وسلم نے مدینہ منورہ میں کسی خوف کے بغیر دو نمازیں ایک ساتھ ادا کی تھیں ۔
یہ روایت امام بزار نے نقل کی ہے ، اس کی سند میں ایک راوی عثمان بن خالد اموی ہے ، اور وہ ” ضعیف “ ہے ۔