مجمع الزوائد ومنبع الفوائد

سیدنا عبداللہ بن مسعود رضی اللہ عنہ فرماتے ہیں : تم لوگ بھلائی کو عادت کے طور پر اختیار کرو کیونکہ بھلائی عادت کے ساتھ ہوتی ہے ، اور نماز کے بارے میں اپنی نیتوں کی حفاظت کرو“ ۔
یہ روایت امام طبرانی نے معجم کبیر میں نقل کی ہے ، اس کے رجال ” صحیح “ کے رجال ہیں ۔

سیدنا عبداللہ بن مسعود رضی اللہ عنہ فرماتے ہیں : جب نماز ہو جائے ( یعنی تم نماز پڑھنا شروع کر دو ) تو اس سے نکل کر کسی دوسری چیز کی طرف نہ جاؤ ۔
یہ روایت امام طبرانی نے نقل کی ہے ، اور اس کے رجال ” ثقہ “ ہیں البتہ ذیاد نامی راوی نے سیدنا عبداللہ بن مسعود رضی اللہ عنہ سے سماع نہیں کیا ہے ۔

شقیق بیان کرتے ہیں : سیدنا عبداللہ رضی اللہ عنہ فرماتے ہیں : جو شخص جس چیز کے حصول کے لئے ہجرت کرے گا وہ ہی اسے ملے گی انہوں نے یہ بات بیان کی ایک شخص نے ہجرت اس لئے کی تھی تاکہ ایک عورت کے ساتھ شادی کر لے جس کا نام اُمّ قیس تھا تو اس شخص کو ام قیس کے مہاجر کا نام دیا گیا تھا ۔
یہ روایت امام طبرانی نے معجم کبیر میں نقل کی ہے ، اور اس کے رجال ” صحیح“ کے رجال ہیں ۔