مجمع الزوائد ومنبع الفوائد

سیدنا جابر رضی اللہ عنہ بیان کرتے ہیں : نبی اکرم صلی اللہ علیہ وسلم نے ارشاد فرمایا ہے : ” جب نماز کے لئے اقامت کہی جائے تو آسمان کے دروازے کھول دیے جاتے ہیں ، اور دعا قبول ہوتی ہے “ ۔
یہ روایت امام أحمد نے نقل کی ہے ، اس کی سند میں ایک راوی ابن لہیعہ ہے ، جس کے بارے میں کلام کیا گیا ہے ۔

قتادہ بیان کرتے ہیں : سیدنا عثمان غنی رضی اللہ عنہ کے پاس جب کوئی شخص نماز کے لئے بلانے کے لئے آتا تھا تو وہ یہ فرماتے تھے کہ ان لوگوں کو خوش آمدید ہے ، جو عدل کے مطابق بات کرتے ہیں ، اور نماز کو خوش آمدید ہے ، اور مرحبا ہے ۔
یہ روایت امام طبرانی نے معجم کبیر میں نقل کی ہے قادہ نامی راوی نے سیدنا عثمان رضی اللہ عنہ سے سماع نہیں کیا ہے ۔